Ishan Hospital Medical Patra News

ईशान अस्पताल स्थापनाको तीन दशक पुरा

(Ishan Children & Women’s Hospital- Medical Patra News)

काठमाडौं। ईशान बाल तथा महिला अस्पताल स्थापना भएको तीन दशक पुरा भएको छ।

जन्माष्टमीको दिन महाराजगञ्जमा १५ शैय्यामा ईशान बाल नर्सिङ होमको रुपमा स्थापित अस्पतालले आफ्नो ३० औँ वार्षिकोत्सव मनाएको हो।

हाल २५ शैय्यामा संचालित अस्पताल बसुन्धरा चोकबाट २५० मिटर उत्तर तर्फ आधुनिक भवनमा सरेर सेवा दिईरहेको छ।

अस्पतालका कार्यकारी निर्देशक प्राडा रामनन्दनप्रसाद चौधरी तीन दशक लामो यात्रा गुणस्तरीय तथा सर्वसुलभ सेवाबाट निर्देशित भएको बताए। उनले भने ‘हामीलाई सेवा गर्ने मौका दिनु भयो। हामीलाई विश्वास गर्नु भयो र त आज यो अस्पताल क्वालिटी सर्भिस एट अफोर्टेवल प्राईसको सिद्धान्त अनुरुप सेन्टर अफ एक्सिलेन्सको रुपमा अघि बढी रहेको छ। हामी नेपालमा मेडिकल टुरिजमको सेवालाई अघि बढाउने योजनामा छौँ।’

डा चौधरीले अस्पतालमा अहिले ८७ जना विभिन्न विषयका बरिष्ठ बालरोग विशेषज्ञहरु सहित बाल रोग, बाल शल्यक्रिया, महिला तथा विभिन्न विषयका सुपरस्पेश्यालिटी र मल्टीस्पेश्यालिटी सेवा उपलव्ध भएको जानकारी दिए।

उनले अस्पतालको आकस्मिक विभागमा चौविसै घण्टा एमडी पेडियाट्रिक्स, विशेषज्ञ रजिष्ट्राहरुबाट नवजात तथा बाल रोग, नवजात तथा बाल सर्जरी, महिला तथा प्रसूति, हाडजोर्नी सम्वन्धमा दुर्घटना र ट्रमा सेवासहितका आकस्मिक सेवा उपलव्ध भएको समेत जानकारी दिए।

अस्पतालमा आईसीयू, एचडीयू, प्रत्येक दिन खोप सेवा, पेडियाट्रिक ईको, अल्ट्रासाउण्ड सेवा उपलव्ध रहेको छ भने पेडियाट्रिक बोनम्यारो प्रत्यारोपण र सीटीस्क्यान सेवा पनि छिटै सुरु हुने जानकारी दिए।

Ishan Hospital Medical Patra News