कोरोनाबाट बालबालिकालाई कसरी जोगाउने ? यस्तो छ डा आरपी चौधरीको सुझाव
प्राडा आरपी चौधरी
पछिल्लो समय बालबालिकामा कोरोना संक्रमणको महामारी उच्च रहेको पाइएको छ । यसभन्दा अघि कोरोनाको पहिलो लहरमा नेपालमा खासै बालबालिकामा कोरोनाको संक्रमण बढी थिएन । संक्रमणमा परेकामा पनि त्यति धेरै जटिलता देखिएको थिएन । तर कोरोनाको दोस्रो लहरमा भने बालबालिका तथा युवाहरु बढी संक्रमणमा पर्ने र जटिलता पनि बढी देखिएको छ । यसले झनै संक्रमण भयावह बनाउने संकेत देखिएको छ ।
बालबालिकामा कोरोना देखिँदा यसले थप जटिलता निम्त्याउँछ । स -साना बालबालिका आफूले बोलेर के भएको छ भन्ने समेत बताउन नसक्दा उनीहरुको उपचारमा ढिलाई भएर समस्या गम्भीर बनिसक्ने सम्भावना रहन्छ । त्यसैगरी साना बालबालिकाले मास्कको प्रयोग गर्न समेत नमान्ने भएकाले उनीहरुलाई अरुबाट हुने संक्रमणबाट जोगाउन मुश्किल हुनसक्छ । उता नवजात शिशु समेत संक्रमणमा परेको पाइएकोले यस्ता बालबालिकाबाट आमाबाबुमा पनि संक्रमण सर्ने सम्भावान हुन्छ भने यदि आमा बाबुलाई संक्रमण भएमा बालबालिकालाई सर्ने सम्भावना पनि त्यत्तिकै रहन्छ । त्यसैले पनि बालबालिकामा कोरोना संक्रमण हुनु भनेको उच्च जोखिम हुनु हो ।
वयस्कमा जसरी कोरोना संक्रमण भएपछि ज्वरो आउने, श्वासप्रश्वासमा समस्या हुने, खानामा अरुचि हुने जस्ता लक्षण देखिने गरेका छन्। त्यस्ता लक्षण बच्चामा नदेखिन पनि सक्छ । हामीले परीक्षण गर्न पठाएका बच्चामा त्यस्ता कुनै लक्षण थिएनन । पखाला लागेर आएको बच्चामा कोरोना संक्रमण पुष्टि भएको छ । त्यसैले मुख्य कुरा अभिभावकले आफनो बच्चामा कोरोनाको जस्तै ज्वरो आउने, सास फेर्न गाह्रो हुने लक्षण छैन् भनेर कोरोनाको आशंका नगरी बच्चालाई घरमै राख्ने वा वेवास्ता गर्ने काम नगरौं । किनकी बच्चामा सामान्य जस्तो देखिंदा पनि संक्रमण भएको हुन सक्छ । त्यसैले अभिभावक यो समयमा अलि चनाखो हुन जरुरी छ ।
पछिल्लो समय म कार्यरत ईशान बाल अस्पतालमा सर्जरी गर्नका लागि तयार पारिएका ३ जना बच्चामा पीसीआर गर्दा कोरोना पोजेटिभ देखिसकेको छ । जबकी उनीहरुमा कोरोनासँग मिल्दो कुनै पनि लक्षण थिएन । वयस्कमा जसरी कोरोना संक्रमण भएपछि ज्वरो आउने, श्वासप्रश्वासमा समस्या हुने, खानामा अरुचि हुने जस्ता लक्षण देखिने गरेका छन्। त्यस्ता लक्षण बच्चामा नदेखिन पनि सक्छ । हामीले परीक्षण गर्न पठाएका बच्चामा त्यस्ता कुनै लक्षण थिएनन । पखाला लागेर आएको बच्चामा कोरोना संक्रमण पुष्टि भएको छ ।
त्यसैले मुख्य कुरा अभिभावकले आफनो बच्चामा कोरोनाको जस्तै ज्वरो आउने, सास फेर्न गाह्रो हुने लक्षण छैन् भनेर कोरोनाको आशंका नगरी बच्चालाई घरमै राख्ने वा वेवास्ता गर्ने काम नगरौं । किनकी बच्चामा सामान्य जस्तो देखिंदा पनि संक्रमण भएको हुन सक्छ । त्यसैले अभिभावक यो समयमा अलि चनाखो हुन जरुरी छ । बच्चा अलि ठूलो र बुझ्ने छ भने अभिभावकले यो रोगको बारेमा जानकारी दिएर यसबाट बच्न मास्कको प्रयोग गर्न, अरुसँग भौतिक दूरी कायम गर्न तथा बेला बेलामा साबुन पानीले हात धुन सिकाउनु पर्छ । यसले गर्दा उनीहरु सचेत हुन्छन्।
अर्को कुरा सरकारले पनि बालबालिकामा संक्रमण बढेपछि उनीहरुको उपचारका लागि छुट्टै बाल अस्पतालमा उपचारको व्यवस्था गर्न जरुरी छ । बच्चाको उपचार र वयस्कको उपचार फरक हुन्छ । त्यसैले पनि सरकारले बच्चाको कोरोना उपचारका लागि भनेर अस्पताल तोकेर उपचारमा सहजता ल्याउनुपर्छ ।
त्यसो त देश संघीय संरचनामा गइसकेपछि सरकारले ७ वटै प्रदेशमा सरकारी बाल अस्पताल बनाउन जरुरी छ । अहिले सबै प्रदेशमा बाल अस्पताल भएको भए बच्चाको उपचारका लागि निकै सहज हुने थियो । अझै पनि ढिला नगरी सरकारले सातै प्रदेशमा बाल अस्पताल बनाउन पहल गर्नेपर्छ । कोरोना महामारी जस्तै अन्य रोगको महामारी आउँदा त्यसले धेरै बालबालिकाको ज्यान जोगाउन सहयोग गर्नेछ ।
Source: https://healthtvonline.com/health-news/2021/05/35380/?fbclid=IwAR0e8_Q-MMiC6VEMziFvLd2-2uQ52DYTJF9bY8pnUQiQDxpWBQybEmoAPY8
recent news
नेपालका दुई आँखा रोग विशेषज्ञ महिला सम्मानित
https://healthnewsnepal.com/news/eye-disease-women/
View Moreईशान बाल तथा महिला अस्पताल र स्वास्थ्य क्षेत्रमा मेरो अनुभूति: प्रा.डा. रामनन्दन प्रसाद चौधरी
https://www.swasthyadarpannews.com/news/16984
View Moreईशान बाल तथा महिला अस्पतालको २८ औं साधारणसभा सम्पन्न
ईशान बाल तथा महिला अस्पतालको २८ औं साधारणसभा सम्पन्न
View Moreबेस्ट पेडियाट्रीक सर्जरिका लागि ईशान
https://www.farakpatra.com/2023/12/19/39067/?fbclid=IwAR22O136NVyvhOiU0EEtW9N7nTuuWTtmSZPWbI9IZ8YprQ8LEUWSTcc7NcU
View MoreMahila Swastha is Organizing inter hospital futsal tournament
https://healthbani.com/?p=1147
View Moreईशान बाल तथा महिला अस्पताल र शिखर इन्स्योरेन्स बीच सम्झौता
सहज उपचार सेवाका लागि शिखर इन्स्योरेन्स र ईशान अस्पतालबीच सम्झौता – Nepali Health
View Moreईशान बाल तथा महिला अस्पताल र शिखर इन्स्योरेन्स बीच सम्जौता !
http://healthtodaynepal.com/2023/09/15251/?
View Moreईशान बाल तथा महिला अस्पताल र शिखर इन्स्योरेन्स बीच सम्झौता
https://www.mahilaswasthya.com/detail/14556?fbclid=IwAR31hNS9e-Efxw9a4VxcbYDNruAIJAlRr_0Vv7FpS4OawIC1FEPvFnLBs0c_aem_AW_uWsM_VjU2IfQMwITSroSG9RQE2EiEB7T7F4qJIEm2KR8jDMFgX3r9tHInpYMp12I&mibextid=Zxz2cZ
View MoreMOU between Ishan Children and Women’s Hospital
शिखर इन्स्योरेन्स र ईशान अस्पतालबीच सम्झौता - स्वास्थ्यखबर :: Swasthya Khabarpatrika
View More