ईशान बाल अस्पतालको २६ औ वार्षिकउत्सब सम्पन्न

काठमाडौंको बसुन्धरामास्थित ईशान बाल तथा महिला अस्पतालले आफ्नो २६ औ वार्षिकउत्सब सम्पन्न गरेको छ । ईशान बाल नर्सिङ होमले  २०५२ सालमा तत्कालीन अध्यक्ष डा नारायण बहादुर थापाले श्रीकृष्ण जन्माष्टमीको दिन  पारेर नेपालको पहिलो प्राइबेट अस्पातलको सुरुवात गरेको हो ।  
प्रत्यक बर्ष श्रीकृष्ण जन्माष्टमीको दिन  पारेर ईशान बाल तथा महिला अस्पतालले आफ्नो वार्षिकउत्सब मनाउने गरेको छ । 
कोरोना संक्रमणको कारण औचारिक कार्यक्रम नगरी अस्पातलमा कार्यरत स्टाप र सम्बन्धित ब्यतिहरुको उपस्थितीमा कार्यक्रम सम्पन्न भएको ईशान बाल तथा महिला अस्पतालका निर्देशक प्राडा आरपी चौधरीले जानकारी दिनुभयो ।
पछिलो समयमा ईशान बाल तथा महिला अस्पतालले बालबालिकाका लागि भेन्टिलेटरसहितको कोभिड आइसोलेसन वार्ड सञ्चालनमा गरेको छ ।

बालबालिकामा कोरोना संक्रमण बढी देखिन थालेपछि अस्पतालमा कोभिड वार्ड सञ्चालनमा ल्याएको हो  अस्पतालका निर्देशक प्राडा आरपी चौधरीका अनुसार ‘सम्भवत निजी क्षेत्रमा हामी नै पहिलो अस्पताल हौंला यसरी बालबालिकाका लागि कोभिड वार्ड छुट्याएर उपचार सुरु गर्ने ।’ आफ्नो अस्पतालमा आउने बालिबालिकामा कोरोना संक्रमण देखिंदा कहाँ पठाउने भन्ने ठूलो चिन्ता हुने र त्यसले अभिभावक र बिरामी बच्चा दुबैमा अप्ठेरो परेको देखेर आफूहरुले बच्चाको उपचारमा सहज होस भनेर कोभिड वार्ड सुरु गरेको डा चौधरीको भनाई छ ।

अस्पातलले अहिलेलाई ८ बेडको आइसोलेसन वार्ड २ वटा भेन्टिलेटरसहितको सेवा सुरु गरेको छ । कोभिड वार्ड बनेदेखि धेरै जना संक्रमित बच्चाले सेवा लिएर निको भएर घर गइसकेको बताए।

आइसोलेसन वार्डमा काम गर्ने सफाइकर्मीदेखि, डाक्टर, स्वास्थ्यकर्मी सबै अलग्गै भएको समेत उनले जानकारी दिए । अस्पतालको छेटौं तल्लामा कोभिड संक्रमित बालबालिका मात्र हेर्ने गरी वार्ड छुट्याइएको छ । 

Source:- https://mahilaswasthya.com/detail/3711?fbclid=IwAR3rb7CrxuX3KajThtsKop20-q9A88U0so9dh42B4vikZaJwi_AXBVKu1XA