News AND Events

With a team of dedicated anesthesiologists, working in close cohesion with the surgeons; this department takes care of surgical patients with anesthesia needs.

बालबालिकाको बोनम्यारो प्रत्यारोपण गर्ने तयारीमा ईशान बाल तथा महिला अस्पताल

काठमाडौँ, ३ भदौ । बसुन्धरास्थित ईशान बाल तथा महिला अस्पतालले बच्चाहरुको बोनम्यारो प्रत्यारोपण गर्ने भएको छ । शुक्रबार अस्पतालको २७ औँ बार्षिकोत्सबको अवसरमा सो जानकारी दिइएको हो ।

नेपालमा अहिलेसम्म बालबालिकाहरुमा बोनम्यारो प्रत्यारोपण सुरु भएको छैन् ।

अस्पतालका निर्देशक प्राडा रामानन्दनप्रसाद (आरपी) चौधरीले बाल उपचारको क्षेत्रमा विशिष्ठ पहिचान बनाएको अस्पतालले नेपालकै लागि नयाँ सेवा थप्ने तयारी अन्तिम चरणमा पुगेको जानकारी दिए ।

‘नेपालमा अहिलेसम्म बालबालिकाहरुको बोनम्यारो ट्रान्सप्लान्ट भएको छैन् । हामीले यो सेवा छिटै नै सुरु गर्दैछौँ । अहिले जनशक्ति व्यवस्थापन लगभग भइसकेको छ । आवश्यक उपकरण र पूर्वाधार निर्माणको काम पनि अन्तिम चरणमा पुगेको छ,’ उनले भने ।

नेपालमा बोनम्यारो प्रत्यारोपण अहिले सरकारी स्तरको सिभिल अस्पतालमा भइरहेको छ । तर त्यहाँ युवा तथा प्रौड व्यक्तिको लागि सेवा उपलव्ध छ । बालबालिकाहरुको लागि अहिलेसम्म सो सेवा नेपालमा नभएको डा चौधरीको दावी छ ।

विसं २०५२ साल कृष्ण अष्टमीको दिन १५ शैय्याबाट आफ्नो सेवा सुरु गरेको यो अस्पताल अहिले १०० शैय्या क्षमतामा सञ्चालन भईरहेको छ ।

स्थापना देखि अहिलेसम्म भाडाको भवनमा सेवा दिईरहेको यस अस्पतालले अहिले भने बसुन्धरा खोला पुलचोक देखि करीब २५० मिटर उत्तर तर्फ रहेको आफ्नै अत्याधुनिक भवनबाट सेवा प्रारम्भ गरेको छ ।

निर्देशक डा चौधरीले अस्पतालमा २४ घण्टा विशेषज्ञहरु बाल तथा महिला उपचारका लागि आकस्मिक सेवामा रहने बताउँदै आफ्नो अस्पतालले सार्कस्तरको गुणस्तरीय सेवा प्रदान गरिरहेको दावी गरे ।

उनले अस्पतालमा विशेषज्ञद्धारा हरेक दिन विहान ७ देखि बेलुका ८ बजेसम्म ओपिडीसंगै इएनटी, बाल आँखा रोग, बाल हेमाटोलोजी, अंकोलोजी, पल्मोनोलोजी, ग्यास्ट्रो इन्टेरोलोजी, बाल न्युरोलोजी, कार्डियोलोजी, नेफ्रोलोजी लगायतका उपचार हुने बताए ।

यस्तै सबै उमेर समूहका व्यक्तिमा जनरल मेडिसिन, जनरल सर्जरी, हाडजोर्नी, दन्त छाला तथा यौनरोग, नाक कान घाँटी, आँखा, फिजियोथेरापी सेवा समेत उपलव्ध भएको बताए । सेवाका लागि अस्पतालमा अहिले ८२ जना विशेषज्ञ डाक्टरहरु कार्यरत रहेको जानकारी दिए ।

त्यसो त अस्पतालले निसन्तान दम्पतीका लागि आईभीएफ सेवा समेत सञ्चालनमा ल्याएको जनाएको छ । यस्तै प्रयोगशाला परीक्षण समेत नियमित सञ्चालन भइरहेको छ । सीटीस्क्यान सेवा निकट भविस्यमै आउने डा चौधरीले बताए ।

बार्षिककोत्सवको अवसरमा शुक्रबार अस्पतालका संस्थापक अध्यक्ष डा नारायणबहादुर थापाको शालिकको अनावरण गरिएको छ । यस्तै २५ वर्ष बढी सेवा गर्ने कर्मचारीहरुलाई कदरपत्रद्धारा सम्मान गरिएको छ । समारोहको अध्यक्षता अस्पतालका अध्यक्ष जन थापाले गरेकी थिईन ।

Source:https://www.nepalihealth.com/

recent news


department

Prevenar – 13 Vaccination

Prevenar - 13 vaccination is available in Ishan children and Women's Hospital Pvt.Ltd.

View More
department

About New Revised OPD Charges Of Ishan Hospital

As per the feedback request from the patients .We have revised the rate of OPD.

View More
department

अन्तर्राष्ट्रिय सम्मेलन लगत्तै संघले गर्‍यो अन्तर्राष्ट्रिय स्तरको बाल शल्य चिकित्सा सम्वन्धी दुईवटा कार्यशाला

अन्तर्राष्ट्रिय सम्मेलन लगत्तै संघले गर्‍यो अन्तर्राष्ट्रिय स्तरको बाल शल्य चिकित्सा सम्वन्धी दुईवटा कार्यशाला – Nepali Health

View More
department

शिशुको शल्यक्रियाबारे भ्रम र यथार्थ

शिशुको शल्यक्रियाबारे भ्रम र यथार्थ | News from Nepal - Ratopati

View More
Quick Enquiry Get an Appointment